Интернет Собор / Internet Sobor 
truth and dignity 
АКТУАЛЬНЫЕ НОВОСТИ

РПЦЗ: Проект сокращённого чина соборования

Картинки по запросу елеосвящение

Предлагается для рассмотрения краткий чин соборования одним священником, совершаемым в больнице или на дому. Подобный чин применялся в РПЦЗ, когда не было возможности собрать вместе семь священников, а больной слаб, чтобы сознательно молиться за продолжительным чином елеосвящения.

Есть несколько вариантов такого сокращённого чина, один из них предполагает причащение больного перед соборованием, но я считаю, что после причастия Святых Тела и Крови Господа, совершать дополнительные молебны неуместно.

Буду рад услышать замечания и предложения.

+М.А.


Краткий чин елеосвящения (соборования), совершаемый одним священником в больнице или на дому

Аще зван будет священник свершити таинство елеосвящения над больным в лечебницу или в дом, тогда должен прежде исповедать больного и по окончании исповеди совершить над ним соборование. По скончании соборования сразу же причастить больного по установленному чину (если больной очень слаб, то это последование опускается и дается Причастие по чину Егда случится вскоре вельми больному дати Причастие).

Надлежит приготовить заранее небольшой чистый сосуд для елея на блюдце и там же немного пшеницы, поставить это на столик вместе с елеем и вином в отдельных сосудах, Евангелием, Крестом и зажженной свечой на подсвечнике. Приготовить также и один стрючец для помазания.

По окончании исповеди, священник, облаченный в епитрахиль и поручи (аще возможно, то и в фелонь), начинает:

Благословен Бог наш всегда, ныне и присно и во веки веков.

Если перед исповедью читалось полное начало по приидите поклонимся, то чтется токмо приидите поклонимся (трижды), ежели ни, то полное начало от Царю Небесный по приидите поклонимся (трижды).

Посем Аллилуиа, глас 6.

Стих 1: Господи, да не яростию Твоею обличиши мене, ниже гневом Твоим накажеши мене.

Стих 2: Помилуй мя, Господи, яко немощен есмь.

Таже тропари, глас 6: Помилуй нас, Господи, помилуй нас! — всякаго бо ответа недоумеюще, сию Ти молитву, яко Владыце, грешнии, приносим: Помилуй нас.

Слава: Господи, помилуй нас, на Тя бо уповахом! Не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших — Ты бо еси Бог наш, и мы людие Твои, вси дела руку Твоею, и имя Твое призываем.

И ныне: Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед — Ты бо еси спасение рода христианскаго.

И абие тропарь, глас 4: Скорый в заступлении един сый, Христе, скорое свыше покажи посещение страждущему рабу Твоему (или: страждущей рабе Твоей)избави недугов, и горьких болезней; воздвигни во еже пети Тя и славити непрестанно, молитвами Богородицы, Едине Человеколюбче.

Таже:

Миром Господу помолимся.

Господи, помилуй.

О свышнем мире и спасении душ наших, Господу помолимся.

Господи, помилуй.

О мире всего мира, благостоянии Святых Божиих Церквей и соединении всех, Господу помолимся.

Господи, помилуй.

О господине нашем Высокопреосвященнейшем митрополите (имярек), Первоиерархе Русския Зарубежныя Церкве и о господине нашем епископе (или: архиепископе) (имярек), честнем пресвитерстве, во Христе диаконстве, и о всем причте и людех, Господу помолимся.

Господи, помилуй.

О еже благословитися елею сему силою и действом и наитием Святаго Духа, Господу помолимся.

Господи, помилуй.

О рабе Божии (или: о рабе Божией) (имярек), и о еже в Бозе посещении его (или: ея), и еже приити на него (или: на нюблагодати Святаго Духа, Господу помолимся.

Господи, помилуй.

О еже избавитися ему же (или: ей жеи нам от всякия скорби, гнева и нужды, Господу помолимся.

Господи, помилуй.

Заступи, спаси, помилуй, и сохрани его (или: юи нас, Боже, Твоею благодатию.

Господи, помилуй.

Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Тебе, Господи.

И абие иерей влагает вино (аще нет вина, то воду) в елей и глаголет молитву:

Господи, милостию и щедротами Твоими исцеляяй сокрушения душ и телес наших; Сам Владыко, освяти елей сей, якоже быти помазующимся от него во исцеление, и в пременение всякия страсти, скверны плоти и духа, и всякаго зла; да и в сем прославится Твое Пресвятое имя, Отца и Сына и Святаго Духа, ныне и присно и во веки веков, аминь.

Таже: Вонмем. Мир всем.

И духови твоему.

Премудрость.

Прокимен, глас 1: Буди, Господи, милость Твоя на нас, якоже уповахом на Тя.

Стих: Радуйтеся праведнии о Господе, правым подобает похвала.

Премудрость.

Соборнаго послания Иаковля чтение (зачало 57)

Вонмем.

Братие, образ приимите злострадания и долготерпения, пророки, иже глаголаша именем Господним. Се блажим терпящия: терпение Иовле слышасте, и кончину Господню видесте, яко многомилостив есть Господь, и щедр. Прежде же всех, братия моя, не кленитеся ни небом, ни землею, ни иною коею клятвою. Буди же вам, еже ей, ей, и еже ни, ни: да не в лицемерие впадете. Злостраждет ли кто в вас: да молитву деет. Благодушствует ли кто: да поет. Болит ли кто в вас: да призовет пресвитеры церковныя. И да молитву сотворят над ним, помазавше его елеем во Имя Господне. И молитва веры спасет болящаго. И воздвигнет его Господь, и аще грехи будет сотворил, отпустятся ему. Исповедайте убо друг другу согрешения, и молитеся друг за друга, яко да исцелеете: много бо может молитва праведнаго поспешествуема.

[ Мир ти. И духови твоему. ]

Аллилуиа, глас 8.

Стих: Милость и суд воспою Тебе, Господи.

Премудрость, прости. Услышим святаго Евангелия.

Мир всем.

От Марка святаго Евангелия чтение (зачало 23).

Слава Тебе, Господи, слава Тебе.

Вонмем.

Во время оно, призва Иисус обанадесяте, и начат их посылати два два: и даяше им власть над духи нечистыми. И заповеда им, да ничесоже возьмут на путь, токмо жезл един: ни пиры, ни хлеба, ни при поясе меди: Но обувени в сандалия, и не облачитися в две ризе. И глаголаше им: идеже аще внидете в дом, ту пребывайте, дондеже изыдете оттуду. И елицы аще не приимут вы, ниже послушают вас, исходяще оттуду, оттрясите прах, иже под ногами вашими, во свидетельство им. Аминь глаголю вам: отраднее будет Содомом и Гоморром в день судный, неже граду тому. И изшедше проповедаху, да покаются: и бесы многи изгоняху. И мазаху маслом многи недужныя, и исцелеваху.

Слава Тебе, Господи, слава Тебе.

И ектения:

Помилуй нас, Боже, по велицей милости Твоей, молим Ти ся, услыши и помилуй.

Господи, помилуй, трижды.

Еще молимся о милости, жизни, мире, здравии, спасении, посещении и оставлении грехов раба Божия (или: рабы Божией) (имярек).

Господи, помилуй, трижды.

О еже проститися ему (или: ей)всякому согрешению, вольному и невольному, Господу помолимся.

Господи, помилуй, трижды.

Яко милостив и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

Аминь.

И молитва:

Владыко Вседержителю, Святый Царю, наказуяй и не умерщвляяй, утверждаяй низпадающия, и возводяй низверженныя, телесныя скорби исправляяй человеков; молимся Тебе, Боже наш, яко да наведеши милость Твою на елей сей, и на помазующияся от него во имя Твое: да будет им во исцеление души же и тела, и во очищение и изменение всякия страсти, и всякаго недуга, и язи, и всякия скверны плоти и духа. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть, и всякую немощь таящуюся. Буди врач раба Твоего (или: рабы Твоея) (имярек), воздвигни его (или: ю) от одра болезненнаго и от ложа озлобления цела и всесовершенна (или: целу и всесовершенну), даруй его (или: юЦеркви Твоей благоугождающа и творяща (или: благоугождающу и творящу) волю Твою.

Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.

И по молитве, смешав елей и вино, вземлет иерей стручец и, омочив и во святый елей, помазует болящаго крестообразно: на челе, на ноздрях, на ланитех, на устех, на персех, на руках на обе стране, глаголя молитву сию:

Отче Святый, Врачу душ и телес, пославый Единороднаго Твоего Сына, Господа нашего Иисуса Христа, всякий недуг исцеляющаго и от смерти избавляющаго, исцели и раба Твоего (или: рабу Твою) (имярек), от обдержащия его (или: ютелесныя и душевныя немощи, и оживотвори его (или: юблагодатию Христа Твоего. Молитвами Пресвятыя Владычицы нашея Богородицы, и Приснодевы Марии: предстательствы честных Небесных Сил безплотных: силою Честнаго и Животворящаго Креста: честнаго славнаго пророка, Предтечи и Крестителя Иоанна: святых славных и всехвальных апостолов: святых славных, и добропобедных мучеников: преподобных и богоносных отец наших: святых и исцелителей безсребренников, Космы и Дамиана, Кира и Иоанна, Пантелеимона и Ермолая, Сампсона и Диомида, Фотия и Аникиты: святых и праведных богоотец Иоакима и Анны: и всех святых.

Яко Ты еси Источник исцелений, Боже наш, и Тебе славу возсылаем, со Единородным Твоим Сыном, и Единосущным Твоим Духом, ныне и присно и во веки веков. Аминь.

По окончании же сего больный, приемляй елеосвящение, аще может, сам встанет, или держимь от своих си стоит, или седит. Аще не может сам, священник подходит к нему, на одре лежащему, взем святое Евангелие, и разгнув е, возлагает писмены на главе больнаго, не возлагая руку глаголет молитву сию:

Царю Святый, благоутробне и многомилостиве Господи Иисусе Христе, Сыне и Слове Бога Живаго, не хотяй смерти грешнаго, но яко обратитися, и живу быти ему. Не полагаю руку мою грешную на главу пришедшаго (или: пришедшия) к Тебе во гресех, и просящаго (или: просящияу Тебе нами оставление грехов; но Твою руку крепкую и сильную, яже во святом Евангелии сем, еже держу на главе раба Твоего (или: рабы Твоея) (имярек): и молюся Ти, и прошу милостивное и непамятозлобное человеколюбие Твое, Боже, Спасителю наш, пророком Твоим Нафаном покаявшемуся Давиду о своих согрешениих оставление даровавый, и Манассиину еже о покаянии молитву приемый: Сам и раба Твоего (или: рабу Твою) (имярек), кающагося (или: кающуюся) о своих си согрешениих, приими обычным Твоим человеколюбием, презираяй вся его (или: еяпрегрешения.

Ты бо еси Бог наш, Иже и седмьдесят крат седмерицею оставляти повелевый падающим в грехи: зане яко величество Твое, тако и милость Твоя, и Тебе подобает всякая слава, честь и поклонение, ныне и присно и во веки веков. Аминь.

Снемше же Евангелие с главы больнаго, дает целовати е.

И начинает чин, егда случится вскоре вельми больному дати Причастие.

Аще же ни: Достойно есть, Слава, и ныне: Господи, помилуй (трижды) Благослови.

И отпуст:

Христос истинный Бог наш, молитвами Пречистыя Своея Матере; силою Честнаго и Животворящаго Креста; святаго славнаго и всехвальнаго апостола Иакова, перваго архиереа Иерусалимскаго, брата Божия, и всех святых, спасет и помилует нас, яко благ и Человеколюбец.

Метки: рпцз, богослужебные тексты

Печать E-mail

[Тема] РПЦЗ: Проект сокращённого чина соборования

Добавлен: 2 мес. 4 нед. назад ?втор: о. Виктор Добров #6044
о. Виктор Добров аватар
Если мое мнение кого-то интересует, я бы предложил следующие изменения:

1. Начало обычное, по придете поклонимся трижды.

2. Псалом 142 Господи услыши молитву мою… Слава и Ныне.

3. Аллилуиа гл. 4 (трижды)

4.Тропари гл. 4: Скорый в заступлении… Слава и ныне. гл. 2: На одре болезни…
Добавлен: 2 мес. 4 нед. назад ?втор: Митрополит Агафангел #6046
Митрополит Агафангел аватар
Предполагается, что этот чин совершается после исповеди. Если перед исповедью читалось полное начало по приидите поклонимся, то чтется токмо приидите поклонимся (трижды), ежели ни, то полное начало от Царю Небесный по приидите поклонимся (трижды).

Предполагается, что это может использоваться в случае, когда больной очень слаб, как в случае с нашим покойным о. Мефодием - он находился в сознании, но постоянно впадал в забытие. Его приходилось постоянно "будить", чтобы он слышал последование (к причастию). Поэтому последование этого соборования максимально сокращено. Если больной очень слаб, то это последование опускается и даётся Причастие. Текст взят из полного последования соборования, там так, как в нашем сокращённом.

Для публикации комментариев необходимо стать зарегистрированным пользователем на сайте и войти в систему, используя закладку "Вход", находящуюся в правом верхнем углу страницы.

Интернет СОБОР
При использовании материалов сайта активная ссылка на http://internetsobor.org обязательна
© 2012 http://internetsobor.org Все права защищены

Find us on Google+

RizVN Login
Powered by Warp Theme Framework